化妝品Lancome前晚在中環7號碼頭舉行派對，吸引了貝安琪、關心妍及張天愛等到場，大會更將亞洲只得一個的Malle旅行化妝箱，送予何超瓊。
日前自爆皺皮的超瓊，承認工作多，無暇化妝，但去年開始跟李暉學楊家太極，令血氣運行改善，她說：「𠵱家冇咁易跌親，平衡好咗，連脾氣都平靜咗。」她曾提議賭王何鴻燊學太極，但他嫌慢沒興趣。
體諒賭王谷氣
日前澳門政府將澳門北安客運碼頭的營運權，判給威尼斯人集團旗下的金光噴射飛航，賭王指事件在「不公平、不公正、不公開」的情況下進行。超瓊也表示無奈及失望，她說：「覺得我哋係被排擠嘅一個，我哋又唔係唔肯開船。」問其父是否很嬲？她說：「爹哋做咗40年，為澳門創建咗咁多機會，到今日想共同享有發展同成果都唔得，我好體諒佢嘅感受。」
採訪、攝影：MaggieLaw