【記者蔡元貴報道】一年一度馬壇盛事香港國際賽將於下月9日舉行，各地賽駒今晚起陸續抵港，馬會需要出動大型車隊迎送。車隊資深人員大談驚險往事；有次一賽駒急不及待落車，未等車廂大門打開，自行擒出馬格，從馬伕上落的小車門撲出，遍體鱗傷。
車隊人員盼體諒
角逐國際賽的戰駒匹匹價值連城，零舍矜貴。首匹參賽馬今晚自澳洲坐飛機抵港時，馬會將派出大型運馬車隊迎接，確保萬無一失。運馬車隊有很多規條，也有很多驚險事。為免馬匹暈車浪，運馬車必須慢行，在一般街道最快只能以時速40公里行駛。
路經彎多路急的道路，如窩打老道浸會橋一帶，司機更要減速至15至20公里。運馬十多年的司機李儉佳說，其他司機不理解運馬車為何如此慢駛，有時會發脾氣報復：「有次出大老山隧道，俾我架車阻咗好耐嘅私家車司機，一出隧道即刻抽頭cut線，搞到我要急踩腳掣，希望下次啲人見到馬會嘅運馬車，會多多體諒。」