黃聖依（圖）同陳曉東前晚打扮成公主同王子，喺奧海城主持「奧海城中世紀夢幻愛壘」亮燈儀式，黃聖依話聖誕要拍劇，假如男友楊子想送禮物畀佢，最好送假期，因為乜都可以買，時間買唔到。東東就積極投入工作，希望趕得切年底前出新碟，佢話：「𠵱家日日都做嘢，隔咗兩三日見唔到啲歌迷就好唔慣，我患上工作狂症呀。」