賈曉晨（JJ）、Freeze、梁政珏和李思欣等前晚在葵涌排練《歡樂滿東華2007》中的水上遊戲環節，現場見眾女穿上泳衣，並落水走過蓆子，但幾乎全部狼狽跌下，及後工作人員加上硬膠板，大家才能順利走完。
JJ全程着上tubetop遮掩身材，上圍豐滿的梁政珏落水時也以毛巾包裹身體，只有Freeze狂擺姿勢任影任拍，搶鏡之餘，落水後更不停喊冷攬作一團。事後JJ表示首次在螢光幕前穿泳衣，感到很尷尬，今次為了慈善才沒所謂，另外她也不肯透露三圍數字。談到Freeze故意搶鏡，她說：「我都唔鍾意着泳衣，冇所謂啦。」
李思欣滿意身材
梁政珏的身材甚有睇頭，但卻相當害羞，落水時以毛巾遮掩防走光，被指身材可與「打假波」的Freeze相比，梁政珏尷尬地說：「唔知呀，其實我好驚俾人睇。」身材較瘦的李思欣則說：「佢哋咁勁，不過我都對自己嘅身材好滿意，我咁瘦，好似佢哋咁大會不成正比。」
Freeze的甄詠珊落水前自稱不懂游水，邊退後邊說不方便，但後來還是落水玩遊戲；石詠莉談到眾女身材時說：「佢哋都好好，平時大家都收埋，得我哋着泳衣，今日好開心大家一齊show。」主持吳家樂被取笑近來艷福不淺，與郭羨妮跳拉丁舞有身體接觸，現在又可眼睛吃冰淇淋，他說：「洪天明唔做先有得做呀，我唔知邊啲真波假波，視線會小心啲，都唔知會唔會流鼻血。」
採訪：王崇穎
攝影：陳俊強
