近日被指與好姊妹蔡少芬發展斷背情的陳法蓉，日前又被本報記者拍得她與蔡少芬一起吃飯，前晚陳法蓉出席活動時重申她不是同性戀者，強調現時仍有男士追求，只是還未遇到合心意者。
陳法蓉、鄺美雲和葉翠翠等前晚在中環出席TheSpabyValmont擴建重新開張活動，近日被指跟好姊妹蔡少芬越行越埋的陳法蓉，繼被指買下沙田碧濤花園兩個相連單位後，日前又被本報拍下二人夜半談心4粒鐘。原來，蔡少芬和陳法蓉談心前，先到跑馬地家具店一起試kingsize大床，更被拍下照片，認真溫馨。
短髮滲女人味
對於買大床報道，陳法蓉前晚沒好氣說：「經理人有打畀我，根本看圖作文，祝看圖作文嘅有工開、有人工收，我講咗好多次唔係（指與蔡少芬斷背），但啲人冇理我感受。我唔係嬲，初初係有啲唔開心，講完一次又一次，自己唔會唔開心，人哋開心我就開心。」問日後會否跟蔡少芬避忌一點？她說：「10幾年朋友，當娛樂新聞一則，之前夠話Ada（蔡少芬）同陳豪匿喺山窿。」有人建議陳法蓉大可拖男朋友出來澄清，但她卻說：「我𠵱家冇男友，亦冇傳聞中嘅女朋友，我遇啱對象至拍拖。」
問陳法蓉可考慮留長頭髮時，她說：「我啱啱剪完，幾有女人味吖。」莫非她對男朋友要求高所以找不到？她否認道：「唔覺，其實只要專一、孝順父母、對我好，以及係基督徒就得啦。」究竟有沒有試過被同性追求？她說：「有試過，啱啱入行時，但自己本身唔係，根本冇嘢發展。」
網誌吐心底話
問現階段有沒有男性追求時，陳法蓉笑說：「梗係有人追，但𠵱家冇男友，如果啲男仔睇完報道咁都信，就唔好嚟追我。」她昨日在其網誌（ http://blog.sina.com.cn/monicachan），談及近日與蔡少芬傳出發展斷背情一事說：「寶貝（自己）真係好無奈，已經澄清過，也表示對於『無中生有』唔開心，但無人理寶貝感受。」
採訪：王崇穎 攝影：陳俊強
