導演王晶繼力捧「新版狄娜」孟瑤後，近日又轉捧比孟瑤身材更勁、擁35D上圍的21歲上海姑娘劉洋，日前劉洋到圓方商場的國際化妝品牌專門店拍攝廣告硬照，專程探班的王晶為接她收工竟呆等兩粒鐘，更出動私伙座駕管接管送。
導演王晶旗下的「晶女郎」換畫快過打針，早前主演《七擒七縱七色狼》的「新版狄娜」孟瑤芳齡22歲兼擁34D上圍，做過一輪風頭躉後，今期又到上海姑娘劉洋發威，成為王晶新寵。
比孟瑤身材更勁更年輕的劉洋現年21歲，三圍35D、25、36，身高5呎9吋，天生一副模特兒身形，難怪被王晶力捧，安排她行高檔性感路線，為國際化妝品牌EsteeLauder擔任形象女郎。上周二下午5時許，劉洋到九龍圓方商場的化妝品牌專門店試妝及拍攝廣告，親自探班的王晶為接她收工竟等足兩個鐘，認真夠耐性。
刻意保持距離
當日劉洋濃妝艷抹，雖然打扮密實，但葫蘆身形一覽無遺，王晶到場後不時跟她密斟，埋位拍照時王晶便站在店外「發吽哣」，睇廣告牌兼四圍騰，至晚上7時許劉洋收工，她戴上黑超、披上紅色大衣，星味十足地由女助手陪同步出商店，帶頭的王晶刻意與她保持半條街距離，前後腳出商場再一同上車離開。
新片擔任舞孃
對於陪劉洋開工一事，王晶昨日在電話中說：「有個助手一齊㗎！佢嗰日係試妝影相。」王晶堂堂大導，為何親自等劉洋收工？他說：「我係去探班，佢趕住搭飛機走，想我兜埋佢，我走又唔係、唔走又唔係，諗住等埋佢，點知等咗咁耐，好慘㗎！」其實在王晶監製的電影《神槍手與智多星》中，已由劉洋擔任tabledance女郎角色，與吳鎮宇合演對手戲，未來更會安排她演出其他電影，可見王晶對她青睞有加。
採訪、攝影：娛樂突發組
