【本報訊】屯門蝴蝶邨昨午發生一宗「阻撓救人」的風波，一名5歲男童失足跌落一個一米深的水池，頭部受傷昏迷，近100名街坊及途人聞訊在水池邊圍觀，男童的外婆及數名街坊欲下水池救人，但被屋邨保安員阻攔。擾攘20分鐘後，一名男街坊推開保安員跳落水池，將嘴唇發紫、全身冰冷的男童救起，男童送院急救後情況危殆。 記者：陳偉良
事發後蝴蝶邨內群情洶湧，大批街坊向到場調查的警員指摘屋邨保安員見死不救，並且阻撓街坊救人。其中一名女保安員一度遭街坊包圍，稍後趁警員上前調解時飛奔離開。
意外現場位於蝴蝶邨蝶意樓對開一個面積約20乘20米、深約一米的水池，水池的上蓋建有梯形的石階及一個草坡，石階的頂部有一個水掣，水流由石階層層而下流入水池，而水池底部則有抽水設備。
目擊小童：有人跌落水池
性命垂危男童關俊偉，5歲，與父母同住蝴蝶邨，關的父親是裝修判頭，母親任售貨員，因夫婦倆均要上班，平日照顧男童的是嫲嫲。近日祖母回鄉，由姓張（60歲）外婆代勞。昨天事發前，外婆去邨內街市買餸，身穿校服及揹着背囊的關童，則與數名小童在水池邊玩耍。
據一名目擊事件經過的盧先生向記者說，下午5時許，他與數名街坊坐在蝶意樓對開，其間見到一名男童向母親大叫：「媽咪，有人跌咗落水池。」母親望了望水池後向兒子說：「呢啲嘢唔好亂講。」但與此同時，另外幾名男女童則在附近大叫：「有人跌咗落水池啊。」
盧說：「我即刻走去水池望吓，但乜都見唔到。」他表示，當時已有30至40名街坊在場，另有一名女保安員聽到呼叫聲趕至。他向女保安員說：「有人跌咗落去，快啲閂水喉同埋抽走啲水啦。」
盧表示，他趁女保安去關水掣立即爬上水池邊的石壆跳進水池內：「啲水過咗我腰，好深，我唔識游水，冇辦法。」盧自稱從水池內爬上來後，水池邊已圍了近100人，當時，女保安員已將水掣關上。
女保安驅趕街坊：報咗警
據另一名街坊林太說：「當時好多街坊喺度嗌『有冇人唔見咗細路』，有人想落去搵，但係俾嗰個女保安員阻住。」林太表示，該名女保安員不斷要街坊離開，指已經「報咗警，唔好圍埋喺度。」
現場消息稱，事發時，男童的外婆離開街市聽到街坊呼叫聲，懷疑外孫跌落水池立即撲至水池邊，激動地要落水池救人，但被女保安員阻止，並向她說：「你咁大年紀唔好跳落去啦。」其間，一名街坊稱為「鍾生」的男子經過，脫去外套及喼帽後推開保安員跳落水池，大約1分鐘後，將全身冰冷、嘴唇青紫的男童救起。
此時，警員及消防員到場立即將男童送院急救，消防蛙人並兩度在水池搜索。事後，屋邨管理處人員將池水抽盡，然後用圍欄圍住暫停使用，並禁止街坊接近。
事發後，大批街坊指摘保安員阻撓救人，有街坊向記者說：「足足遲咗20分鐘先至救咗個男仔。」
男童跌落水池示意圖
特稿
區議員：保安處理不當
「呢個水池平日好多𡃁仔喺度爬，仲揼啲樹葉落去，搞到啲水好污濁。」發生男童遇溺意外的屯門蝴蝶邨水池，是50個位於全港公共屋邨各式水池的其中一個，居民指水池邊雖然貼着「請勿攀爬，免生危險」字句，但沒有圍欄，很容易發生意外。
房署助理署長黃比形容事件十分罕見，希望遇溺男童吉人天相，署方已聯絡其家人提供協助。對於居民投訴保安員阻撓救人，他並無回應，只強調意外現場水深兩呎半，現時已停用，稍後會加裝圍欄。房委會委員兼公屋聯會主席王坤對該意外感到詫異，他說：「一般屋邨水池只有約一呎水深，但蝴蝶邨水池屬梯級式設計，可能咁樣所以底部水位較深，如果小朋友爬入去會造成危險。」
對於居民投訴保安員阻撓救人，屯門區議員蘇愛群指知道事件經過，「個男童嘅婆婆想跳落水池救人，保安員阻止，原則上冇唔妥，但阿婆唔可以跳落去啫，啲水咁淺，保安員又唔係年紀大，應該爭取救人嘅黃金時間，遇溺呢樣嘢，差一秒就一秒，保安員明顯係處理不當。」她說。
本報記者