近呢幾年，香港多咗舉行嗰啲世界級會議同埋體育界盛事，例如搞到韓國農民大鬧灣仔的世貿部長級會議，又或者係迎接08北京奧運的馬術邀請賽等等，除咗令香港嘅地位喺各國眼中得以提升外，就連本地一班汽車用家都有所得益，點解？因為唔少汽車代理都有為呢類大型活動，提供用作接載賓客的車輛，都會喺有關活動之後以超值價發售，加上呢類車咪數低，故此好多時推出無耐就會被搶購一空。
哈，最近我又收到風，話BMW有一批超筍07年730iAL等住放盤；呢批車係早前USBHongKongOpen（瑞銀香港高爾夫球公開賽），用作貴賓接送車輛之用，狀態全都跟新車一樣，而行車里數某啲更低於1千公里，而且仲有接近1年牌費㖭！不過講到車價啦喎，我諗好多人都會同我一樣「嘩」一聲叫出嚟，事關佢哋由原價$998,000，平足16萬，只要$838,000就有交易，聽落同睇落都OK㗎；如果咁啱想買部齊料嘅豪華房車代步，今次就唔好錯過機會啦，事關據聞呢批超筍730iAL，都係得8部咁多咋！
記者：鄭達基
查詢：BMWHK（31299192）