近日喺新西蘭拍攝首部荷李活片嘅張東健，日前飛咗去中國溫州出席內地代言服裝所搞嘅酒會，兼且拍攝宣傳硬照擺甫士扮有型。喺前日嘅影迷會上，有超過300位內地、香港同日本嘅fans出席，難得健哥工作疲憊，依然笑住面對影迷同傳媒。提到舊拍檔金喜善結婚，佢話自己畢竟35歲，都好有結婚嘅衝動，不過一切都只能夠隨緣喎。健哥噚日經已離開中國，繼續拍新片。