外界一直將鄧麗欣（Stephy）封為金牌一姐，因為大家都覺得黃柏高（Paco）對她寵愛有加，下月她將於StarHall舉行3場個人演唱會，由此看來的確甚為得寵。Stephy也非常識做，她謂個唱其中一個環節是專誠送給Paco，以感謝知遇之恩。
鄧麗欣於下月7至9日在九龍灣StarHall舉行3場個人演唱會，得到老闆黃柏高（Paco）的支持，當然感到非常開心，日前她說：「初時Paco同我講話要幫我開演唱會，我都唔信㗎，我仲諗佢同我講笑，之後到佢話落實咗日期，我嗰一刻只係識點頭同答佢『哦』，個腦就一片空白，接住落嚟嘅感覺就只係識得緊張。」
奉旨減少工作
當提到Stephy的一姐地位將會更鞏固時，她緊張地說：「一姐呢個名係人哋講，我哋幾個女歌手根本就從來都冇比較過，我都唔會去計邊個高地位，我哋Cookies一齊入行一齊成長，冇分邊個大啲。」
由於一直得到Paco的提攜，Stephy事先聲明演唱會當中有一part是專誠送給Paco的，她說：「呢一part嘅歌係屬於Paco嘅，我希望當係一份小小心意送畀佢，因為由落實開騷，佢就叫同事唔好再安排太多工作畀我，叫我專心練歌，唔需要太緊張，得到佢嘅支持我都好開心。」
家人坐第一排
Stephy自言十分眼淺，所以公司同事都打賭她會於第幾首歌時哭起來，她笑言：「我好易就喊㗎，有時做啲小型音樂會都會感動到喊，今次我仲會安排屋企人同好朋友坐第一行，我都驚一開場行出嚟，見到佢哋就忍唔住喊。」
採訪：李珮洳 攝影：林德雄
