港股越跌越有，細價股形勢更為惡劣，林大（910）、金豐21（2312），以及和成（651）等數隻熱炒的三四線股，昨日股價全部急瀉15%或以上，而前日復牌、股價即瀉近兩成的中國科技（985），昨日再重挫逾36%，成交更高達7.87億元。
一名華資交易員透露，昨日細價股未算出現小股災，成交逾億元兼挫逾一成的細價股亦不足十隻，但他不諱言，有個別股仔出現追孖展或斬倉情況，部份莊家亦面臨缺水及周轉不靈，假如市況仍然急轉直下未見起色，不排除會有更多股仔「出事」，出現火燒連環船現象。
他提醒散戶，港股市況仍未清晰，切忌低撈細價股。「股仔高位蟹貨甚高，一日大市未見起色，都冇運行，即使港股見底，寧願低吸博買龍頭重磅股好過。」
滙盈證券董事謝明光指出，三四線股近日極為波動，更出現有沽冇買情況，很多公司高位抽水後即散水，莊家亦不願維持秩序，部份轉型或變身股份，復牌後多先升後跌，散戶上車隨時中伏。