名著《80日環遊世界》裏，主角霍格先生和隨從乘氣球和氣船到全球探險，只為打賭2萬英鎊。時至今日，堪輿學家蘇民峰帶領靚女主播黃翠如以40日環遊世界，盡情享受明媚風光佳餚美酒。
由東歐出發
有線節目《40日環遊世界》由蘇民峰帶領黃翠如（Priscilla），由東歐開始玩盡世界11個國家，雖然每個國家只逗留三數天，不過蘇師傅卻指時間綽綽有餘，他說：「幾日夠晒啦，頭一、兩日去遊覽，睇完之後已經覺得悶，所以喺阿根廷玩到冇嘢玩都過咗烏拉圭一日，連有線都唔知。」
主播Priscilla則說，跟住師傅去玩一啲都唔辛苦，仲日日都有時間hightea，喺烏拉圭仲買咗4千幾蚊香檳同魚子醬慢慢嘆。」兩人又不約而同提到，於東非肯尼亞的旅程最為深刻，親眼目睹獅子家庭於車旁走動令兩人最為難忘。
採訪、攝影：藍文浩
