產後復出的謝安琪前晚亮相《勁歌金曲》，未收身的她以脹爆春麗造型演唱新歌，十分嚇人；而Twins的歌藝同樣令人不敢恭維，出道6年的她們，鍾欣桐（阿嬌）甫開口已走音，蔡卓妍（阿Sa）的低八度女聲同樣不堪入耳。
謝安琪、Twins、林峯、Freeze、吳日言和F.I.R等前晚往將軍澳電視廣播城演出《勁歌金曲》，謝安琪今年6月16日為丈夫張繼聰誕下8磅8的愛兒張瞻後，近日全面復工，為年尾頒獎禮爭獎臨尾發力，不過產後的她，完全未收身。身上仍有20多磅肥肉的謝安琪，前晚以金毛春麗頭，加上一件紅黑格仔服，腰間還束條粗大黑皮帶，完全將她脹爆身形表露無遺，造型嚇人。
歌藝不如林峯
另外，出道6年的Twins驚嚇度也不遑多讓，鍾欣桐拍住師弟林峯唱出《其實你心裏有沒有我》時，甫開口已走音，而蔡卓妍和林峯唱出張學友與黎晶原唱的《InLoveWithYou》，阿Sa完全未能唱出黎晶的神髓，以低八度女聲演繹效果也絕不理想，相反師弟林峯唱得有板有眼，兩位師姐完全給比下去。
阿Sa昨日25歲生日，前晚問她會如何慶祝，她說：「早幾個禮拜已慶祝咗，聽日會去廣州，後日去上海做嘢。」問她男友鄭中基有何表示，笑得很甜的阿Sa稱：「我冇回應，唔話你哋知。」
3位整容嬌娃Freeze在台上唱出新歌《金睛火眼》，與男舞蹈員大跳火辣舞蹈，十分養眼。早前有報道指石詠莉在夜場跟一名新加坡鐘錶老闆咬耳仔，還在男方耳邊吹氣，她前晚說：「係角度問題，個場地太嘈，聽唔到對方講嘢。」
石詠莉冧軒仔
問石詠莉可會跟該男士發展，她說：「有冇進展睇未來，大家有約食飯同交換電話，做住朋友先，不過我唔鍾意男人偏肥，最好得130磅。」當告知她130磅的男士只有張敬軒及王祖藍這類男士時，她說：「王祖藍個樣唔夠魅力，而自己就好鍾意張敬軒嗰類，我有見過佢，都同佢講過好欣賞佢。」
採訪、攝影：卓美娟、林德雄
一網講盡：「見到佢個造型好反胃」
前晚《勁歌金曲》上，產後復出的謝安琪形象驚嚇，而Twins唱歌時也走音，事後即有網友討論眾星表現。
autumn_rain：Twins唱足六年都係咁，聲都未開就走去唱歌。
Mori@新sun：好奇怪點解阿Kay會唱成咁，真係好失望。
smartbanana：生完仔無論唱功形象差過以前好多，冇表情又黑面，肥腫難分，成個豬小姐咁款。
hang00000：見到佢個造型好反胃。
索索菲仔：孖妹出場都唔掂，唱唔到《其實你心裏有沒有我》，唉。
資料來源：香港討論區