【本報訊】城市電訊（1137）公布，截至8月底止全年度綜合營業額跌1.6%，至11.41億元，但因固網業務開始賺錢，令集團由去年度蝕9220萬元轉賺2886.5萬元。每股盈利4.7仙，末期息4仙，可以股代息。 記者：何凱兒
業績公布後，城電主席兼創辦人王維基宣布另一項令人意外的消息，他與另一創辦人張子建（行政總裁）會齊齊淡出，但強調並非賣盤。他說：「唔好再問呢啲儍問題，除非有人放低100億響台面。」城電雖然轉盈，但可能因兩巨頭淡出，令其股價下午開市即急挫36%，收報1.99元，跌29.18%。
轉賺2887萬 末期息4仙
對於淡出，王維基解釋「唯一一個原因係一個successionplan（繼承人制度），CTI（城電英文名稱）由1992年到依家，15年過去，唔會因為一個人離開而有咩問題……呢間唔係家族公司，應該有一個健康嘅管理團隊，培育多啲人才。」
王維基續稱，集團將夥拍MobileOne全力投入新加坡政府的新一代國家寬頻網絡計劃，因標書文件尚未公布，暫時無可奉告，但「假如得到呢個project，會放多啲時間係新加坡。」
將攻星國家寬頻計劃
城電核心固網業務期內收入升10.2%，至8.16億元；IDD營業額則跌22.4%，至3.24億元，惟IDD分部業績上升58%，至6870.5萬元；固網業務分部業績則扭虧，賺4969萬元。王維基稱，主因是用戶轉用以2b品牌的VoIP服務。
另外，城電未來3年資本開支8.5億元，主要用於網絡覆蓋擴充，目標是由現時的140萬戶，增至2010年時200萬戶。
對於城電沒有競投CDMA2000牌照，王維基解釋：「計過條數，呢個唔係一個好嘅投資。」對於有輿論指政府過份保密整個競投，導致有公司股價因炒賣傳聞而大升，「我覺得唔係，因為我哋冇入標，個股價仲維持係3元。」政府公布CDMA2000發牌結果前一日，城電股價一日升近70%。
