睇陳豪攞視帝獎嗰刻，腦海即浮現當年睇佢喺電影《晚九朝五》段情慾戲、《金枝玉葉2》扮同性戀者，仲有《極速傳說》入面想迫伊健打愛滋針嗰個奸仔、《險角》入面嗰個扮豬食老虎嘅青年……，有實力嘅人肯堅持終有一日龍穿鳳，紐卡素嘅馬田斯今晚等做男主角。
今晚紐記鬥紅軍，本來焦點係奧雲倒戈，家陣奧雲佬唔出馬田斯就有機會，仲好。
我睇好佢唔係因為佢踢過意甲，而係速度高又爛打，啱啱周中又冇踢國際賽，今晚對住半隊踢完國際賽嘅殘兵，有得發圍囉。
讓球主客和：紐卡素勝[+1]
心得：紅軍殘晒啦
近5場往績：贏輸走贏輸
藍鑽石
忙於為與簡拿華路同日生的囡囡換片、掃風，但睇意甲，一場都不能少。