噚晚返屋企，打開免費電視睇到北極雙雄對決，由經常被浪漫主義美化嘅海豹，單挑惡形惡相嘅北極熊，你估邊個贏？港人對自然界認識有限，分不清海豹、海狗、海獅同海象唔奇，當然包括自己在內；所以喺學校學唔到，自小就喜歡留意動物台，而噚晚睇嗰齣節目之前都睇過，但一睇就唔願轉台。
實情係有班動物發燒友，利用科技模擬對牙可以鑿穿鐵皮嘅海豹，同對爪可以篤破幾吋皮革嘅北極熊，來一埸虛擬廝殺；表面上海豹懵懵懂懂，應該輸硬，但原來佢哋身體成個貨櫃咁重，直頭拖埋北極熊落水都得！哈哈，一落水海豹即時醒晒，北極熊打水戰係死路一條！結果唔講都知啦！
禮拜六你估Magpies（喜鵲）贏定Liverbird（利物鳥）贏？我就話兩敗俱傷喇！
讓球主客和：紐卡素勝[+1]
心得：「紐」扭樂，唔油「利」
近5場往績：贏贏輸輸輸
阿呢斯奧
麻甩瘋漢，堅持踎低可以噴米粉；深信唔賭唔知時辰到，唔睇唔知邊隊好。