早前在此專欄提到手機轉台，最後採用了P記嘅英超高清頻道組合，希望試吓手機睇體育節目電視嘅效果。由於開台嗰個星期正值國際賽，所以就冇英超直播，所提供嘅英超、意甲直播即場比數，同埋臨場開賽陣容都暫時用唔到，要到今個禮拜開番先至有得試吓效果。
不過試睇其他體育節目，手機版嘅質素畀我想像中要好，起碼球員起格情況唔算嚴重；而且最少見到個波喺邊，唔會因為接收而睇唔清，相信睇網球應該會清楚。至於睇足球，個人認為都係睇精華好啲，如果要睇晒成場比賽，雖然可以將螢光幕拉到最大，但就會睇得幾辛苦。
至於今周平手盤有六場，推介法蘭克福，史特加作客唔掂，下周又要踢歐聯，寧捧主場防守能力唔錯嘅法蘭克福。
讓球：法蘭克福（平）
心得：史特加今季作客差
近5場往績：走走輸贏贏
戰鬥員A
平手盤捧主隊續係今季宗旨，想避免中鬼盤？留意我阿A啦！