有關明星瘦身或者整容嘅新聞，向來都係網上熱門嘅討論話題，前BabyVOXRe.V成員仲因為整容削面而搞到大出血㖭，其實好多韓國明星入行前後都唔同樣，有啲就因為減肥而靚咗，有啲當然就走去整容啦。最近韓國就有網友將近20位韓星減肥前後嘅相片貼晒出嚟，唔睇猶自可，一睇至發覺靚女尹恩惠、朴詩妍同金亞中以前原來咁豬扒！
朴詩妍同金亞中嘅陳年舊照，阿Deep經常都喺網站睇到，佢哋唔單止肥，而且五官同現時有好大出入，唔使講大家都心照。至於當年係組合BabyV.O.X成員嘅尹恩惠，阿Deep覺得佢越紅就越瘦，唔通開工就係佢嘅瘦身秘訣？久未露面嘅女歌手Ayumi，同埋曾經拍攝韓劇《冬日戀曲》嘅朴率美，以前都有個雙下巴，不過近年就完全消失晒。
鄭京浩薯變型
男子組方面，最嚇人一跳係演出過韓劇《狗與狼的時間》嘅鄭京浩，中學時期又肥仔又薯嘜嘅佢，諗唔到𠵱家竟然係型男小生。網友雖然都有將柳時元嘅相片送上去，但阿Deep認為佢現時嘅下巴兩側，比中學時期仲橫，瘦身成績一般。
網址： http://news.empas.com/board/bbs/read.html?b=native&a=499812
版主：網盜王尊尼Deep
本欄逢周一至五刊出