23/11/2007.....
天晴
最新動態
周三晚心情同麥卡倫都差不多吧；就算投注前已經避開鬥志不明朗球隊，葡萄牙、土耳其、英格蘭呢類衰波已經冇買，但心想瑞典有北歐人鬥志，臨場陣容對辦，未有理會和波出線因素，重注「讓球主客和」嘅「主勝」；就算有柯碧克40秒入波，瑞典及後未有繼續強攻，拉脫維亞又比預期「散」得慢，結果都係贏波輸盤。
英格蘭出局，個人認為利多於弊；英超盛世，掛個名做英格蘭小國腳，收人工已經2、3萬鎊起碼，林柏特、謝拉特、奧雲呢啲大哥級，人工更加高到離譜。人工高、成名快，個個以為自己係球星，英格蘭一向靠咩？講真只係打不死精神，不過對克羅地亞完全感受唔到，只係一班着白衫嘅球員，求求其踢完場波就算。
舒利亞是我少數欣賞嘅英格蘭前鋒，每場波佢都搏足百分之二百，由衷希望佢接手，畀番支有鬥志嘅英軍大家睇。
牽牛
股市大旺，英超盛世，大家齊來贏多啲！
http://hk.myblog.yahoo.com/footballexperts/
逢周一至五見報