為咗仔女英文好啲，好多父母都會成日同佢哋溫書默生字，每晚仲讀英文故事書畀佢哋聽，會買英文歌影碟等教材……咁都錯？國際語音學會講師DerekKwok話，除非你有西人口音，否則父母教嘅始終都係港式英文，咁小朋友仲邊有機會青出於藍？所以Derek話家長要嚴守5項規條，咁先可以幫子女學好英文！
記者︰劉昱蘭
攝影︰譚盈傑、陳陶鈞、梁細權
Model︰Michelle、豐豐（TheGroup）
1.港式英語遺害大
香港父母最普遍嘅兩大港式讀音錯處係︰1.讀英文句子唔識乜係weakform（弱讀），所以西人有啲字讀得好輕時，我哋會聽唔到係乜。2.唔識連音（Linking），如can、for、to、at、was等字會讀到分開晒，尤其幫仔女讀默時，每字都大聲清楚地讀晒出嚟，咁會好影響仔女聽nativeenglish的能力。其實小朋友的吸收力就好似海綿咁，你講乜佢聽乜，父母嘅港式英語聽慣咗就會學錯晒讀音，到時想改就難。
父母子女齊學讀音
要學最正確嘅語音，不妨上親子拼音班，除咗小朋友學到正確發音外，父母又可以知錯而改正讀音，加埋同小朋友一齊同步學習，感情都會好啲。
2.唔好逐隻字讀
小朋友小宇宙無限大，大人好多時驚佢聽唔清，如在默書時會講好慢嘅英文，藉以遷就其英文程度。其實兒童在7歲左右，已可聆聽快速英語，4-7歲係學拼音嘅黃金時期，K3開始教音標發音作最初步認識，將啲音當歌仔咁唱，用一年時間打好底，平日多播西人英語營造純正英語環境，到咗小學就可以發展得好快。
3.讀字要準確
如果真要在子女面前讀英文，每個讀音就不能掉以輕心，尤其是尾音絕不能缺，須知讀語言水平好多時就係差嗰少少就立見高下，所以無論幾簡單都要講究。
買發音英英字典
除了上拼音班，父母都要搵純正教材教導小朋友，除咗方便易懂嘅英中字典，都要有本附有電腦光碟版的英英字典，打個字就按鍵發音，清晰過詞典機同網上字典好多。
半數大學生發錯音
想知生字係咪越簡單越易錯，我哋喺大學做咗個簡單街訪，訪問20位同學仔，叫佢哋讀生字，結果發現讀錯字的人有一半以上。
Confirm──讀錯人數：13
Year1BBA學生Hideep︰「我都讀唔準，原來"Con"輕啲發個懶音先係最正確。」
正確：ken'f囗:m（Con音輕而快）
Music──讀錯人數：11
Year1BBA學生Jenny︰「我以前已知Music尾音有個"k"，不過讀單字時懶忽略咗。」
正確：'mju:z囗k（k音要輕快）
Purchase──讀錯人數：12
Year1社工系學生Moly︰「照分音節"Chase"會讀得重咗，原來要短促又輕聲啲先啱。」
正確：'p囗:t囗囗s（chase要輕聲）
Encore──讀錯人數：15人
Year1物理系Justin︰「中學學過要讀"On""Core"，呢啲法文外借字係多啲人犯錯嘅。」
正確：a囗'k囗：（音OnCall）
4.不能亂估讀音
以上學生犯嘅錯，好多都係因為佢哋用Phonics方法，即見串字直接推理發音，其實咁做好冇準則，容易讀錯。例如"confirm"一字中，con的音唔係直接c拼on咁讀，所以唔係睇個串法就讀得到。Phonics對4歲以下幼兒，簡單啲用拼音法係有用，但絕對唔可以終生靠估估吓學英文。
學懂自查國際音標
Derek話音標（PhoneticSymbols）才是最正確嘅發音準則，所以要小朋友查字典查音標係終極學習目標。例如正在上親子拼音班的陳太，其囝囝Cyrus得閒會打開字典，隨意抽字玩拼音，而且仲培養到每當唔識發音時，自動查音標唔問人的獨立自學精神。
5.選擇買視學教材
坊間好多貴價教材，用電視或電腦作學習媒介，形式好吸引，但小朋友習慣咗豐富刺激嘅媒體學習，就好難讀書學嘢，冇咗閱讀意欲對長遠英語發展會有阻礙。
圖書館借AudioBook
有聲書係西人小朋友用嚟學英文嘅主要教材，即係有隻由西人朗讀嘅光碟，同時可以睇書又可以聆聽，易掌握發音同打好聆聽基礎。Derek教路唔使買晒，可去圖書館借AudioBook（有聲書），就唔使擔心教材費太貴。
教材3級制
1.先畀小朋友看少字多圖嘅有聲書，Derek話囡囡都聽呢套OxfordReadingTree。
2.然後試播簡化嘅名著故事，BlackCat系列夠齊全，Derek每日都將PeterPan古仔播畀囡囡聽。
3.正統AudioBook係冇書嘅，因為佢照書讀，錄好音隻碟就叫AudioBook喇，冇書齋聽都明就係終極目標喇。
國際語音學會──親子英語語音班
內容：基礎拼音及改善弱音、連音及語調結構
收費︰$1,8001位家長+1名子女/$2,7003人（共10堂連教材）
開課日期︰08年3月2日
查詢︰23887271
網址︰ http://www.ipa.edu.hk