汪明荃（阿姐）噚日接受商台節目嘅電話訪問，佢話日前獲頒贈「第九屆世界傑出華人獎」，今屆得獎者仲包括時裝設計師張天愛，香港「乒乓孖寶」高禮澤及李靜等。阿姐坦言07年係佢豐收嘅一年，佢話：「之前攞博士，𠵱家又攞傑出華人，真係攞好多榮譽。」而阿姐又話日前到醫院檢查胃部，好彩最後發現乜病都冇，只係自己太緊張先會覺得有事。