動漫Maggie（李曼筠）、袁彌明及莊思敏昨日化身聖誕女郎，出席在大埔超級城舉行的迎聖誕活動，Maggie一身火紅性感聖誕女郎裝扮，搶盡風頭。現場有專業訓練員指導狗仔跳火圈及做動作，三女客串當指揮員跟狗狗玩跳圈，Maggie受指示要狗狗跳高吃她手中的食物，但她似乎很擔心會被狗咬到手指，好不容易才完成任務。
袁彌明愛貓
Maggie說：「好驚會咬到我手指，不過訓練員教我點叫隻狗跳高，原來隻狗識得好細力去咬，反而覺得好得意，我好鍾意貓同狗，以前養過一隻狗，不過越養越大隻，屋企太細養唔落，最後忍痛送咗畀朋友。」Maggie剛拍完新片《愛鬥大》，明年初接拍一部台灣片，她說：「我會做個野蠻女友角色。」
袁彌明就自言是愛貓之人，家中養了兩隻貓，她說：「兩隻貓一肥一瘦都好高竇，冇辦法好似啲狗咁訓練佢哋，頭先同狗玩跳圈，覺得佢哋都好叻。」莊思敏則養了八隻狗，她說：「我冇試過同我啲寵物做訓練，因為佢哋都唔會睬我。」
採訪：魯萍 攝影：陳俊強
