有位知心好友最愛往樓上Cafe，愛喝咖啡、愛在店內Hea，要他介紹一間心水咖啡店，二話不說直指「飲管」。「開業多年，經常爆場，最近細舖搬大舖，成班朋友簡直當自己屋企一樣，隔晚便來捧場。」朋友解釋。「新舖可容納近100人，包場搞Party都得，我們的賣點是飲品選擇多，餐牌上有成300幾種飲品選擇，我們還會定時定候推出新飲品，顧客一定唔會飲到悶。」Cafe負責人阿基說。
打開餐牌，單是咖啡特飲已有百多款，「咖啡特飲最好賣，好似好立克咖啡、Oreo朱古力咖啡等最受女客人歡迎，而我們的鎮山飲品是Mocha。」喝一口Mocha，咖啡味不會太濃，而且比一般咖啡甜，又唔似其他咖啡飲品有陣酸味。「咖啡豆來自巴西，質素好好，味道香濃幼滑，我知唔少女士怕咖啡的甘苦味，所以特別用花果冲淡，令不愛咖啡的人也會愛上。我們Cafe另一個賣點，飲品份量比一般Cafe大，好似飲極都唔完，吃飽晚飯上來休息，足以消磨一整晚時間！」
記者：郭佩韻 攝影：陳陶鈞
威士忌咖啡$48
上層是威士忌；中間是齋啡；低層是用以調味的紅糖水，一啖入口，苦盡甘來。
玫瑰蘋果咖啡$44
專為女士而設的秋冬特飲，淡淡咖啡味，滲出蘋果甜味及玫瑰花香，滋潤喉嚨。
薄荷朱古力布甸咖啡$46
飲咖啡，又有布甸口感，很特別，薄荷朱古力配咖啡，味道剛好，甜度亦很適中。
阿康
「好鍾意呢間Cafe，有時我想混合唔同味的飲品，老闆都會整畀我，服務態度一流。」
Drink'sCafe飲管（23881108）
地址：旺角彌敦道570-572號基利商業大廈1樓
營業時間：3:00pm至3:00am