「澳門國際名車薈」車展中其中一個矚目車款就係由日本總代理專程為是次展覽運來嘅「露筍」十代，今勻自動波牌嘅車迷都有機會駕馭呢部辣跑，事關三菱Evo.嚟到第十代推出全新引擎，當中更有半自動波版本，就係全新編號4B11嘅輕量化2.0公升Turbo引擎。馬力依然有280匹咁勁，而十代大賣點唔係性能而係外表。鬼面罩面積較以往大得多，尾翼更大得誇張，一眼就認出其身份，而GSR版更配備18吋跑車合金胎軨！
三菱同場更有最新七人車DelicaD:5，由原先嘅4WD改為2WD八人車，鬼臉罩由橫柵改為格狀，加上配備直4引擎六前速漸進式自動變速系統，最大馬力輸出達170匹，劈車免問，但就至啱家庭樂！
記者：梁美甜
攝影：陳偉強