22/11/2007.....
天晴
最新動態
噚日睇咗單幾心酸嘅新聞，國際米蘭前鋒阿祖安奴，原來早幾個星期已飛返祖家巴西，接受長期心理治療同戒除酒癮，佢老哥仲好有信心咁話，有機會重返國家隊；不過記者會上睇見阿祖個身形，雙下巴加上小肚腩，完全唔似一個當打嘅職業足球員，就算搞掂心病，仲有排先操番「弗」。
阿祖呢幾年經歷都好值得借鏡，憑住天賦身材及體力優勢，加上貧民窟長大練出永不放棄態度，極速在意大利成名，22歲加盟豪門國際米蘭，攞過意甲同意大利盃冠軍，早幾年更傳出車路士、皇馬等強隊想用天價收購。不過上得快，亦跌得太快，巨額年薪同廣告贊助，25歲仔已經搵夠，沉迷聲色犬馬，連在身邊鞭策的父親亦仙遊，搞到今時今日神憎鬼厭。
好彩阿祖仲識得迷途知返，「的」起心肝重振聲威；記得早幾個月，有新聞話一啲大學畢業生，畢業後冇諗過搵工，只問親戚朋友借筆錢炒股票，仲聲大大話好過打份搵得一萬幾千嘅工，𠵱家個市開始跌，你哋識醒未？
牽牛
股市大旺，英超盛世，大家齊來贏多啲！
http://hk.myblog.yahoo.com/footballexperts/
逢周一至五見報