克羅地亞足總秘書長施比歷前日隨隊抵達英國蓋特威克機場，唔知坐飛機緊張定係賽前緊張，居然失控走去機場店舖偷嘢，據講呢位67歲老人家放咗啲筆同紙入袋，最後被店員發現報警拉走（已獲釋）。最慘係克羅地亞球員睇晒成個過程，當堂目瞪口呆。唉！堂堂球隊頭號人物居然做賊，都咪話唔羞家啦！