陳豪在大前晚舉行的《萬千星輝頒獎典禮》勇奪最佳男主角及我最喜愛的電視男角色兩項大獎，成為雙料視帝，其風頭可算是一時無兩。他昨日接受商台節目訪問說：「開心都開心唔完，太好啦，啲嘢太完美啦！覺得有少少遺憾係大鮑（夏雨）冇獎攞。」
「佢好堅強」
陳豪的緋聞女友廖碧兒敗於徐子珊手下，未能奪取飛躍進步女藝員獎，問到他可有安慰碧兒？他說：「嗰晚喺慶功宴上見到佢，有搭一搭佢膊頭，一切盡在不言中，佢嘅鬥志不嬲都好犀利，佢好堅強嘅，今晚台慶見到佢都會再同佢講。」
被問到可有與廖碧兒分析輸獎原因？陳豪說：「唔需要分析，過去嘅事已經成為歷史，做人要向前看，唔好沉迷喺過去度，今年唔得，咪出年嚟過，人有時受過少少挫敗，之後反而會更強大。」
採訪：卓美娟
攝影：陳偉權