無綫總經理陳志雲，前晚去紅館睇郭富城演唱會，唔好彩俾車撞親右腳，慘變鐵拐李。噚日六叔邵逸夫100歲大壽，又係無綫台慶大日子，陳總就算跛住腳都堅持嚟睇場，仲由兩個壯男左右攙扶，喺電視城出巡，現場見其中一位係陳總聘用開嘅男助手，另一個就係自從發生刀片恐嚇信事件後，一直喺陳總身邊護駕嘅男子。