美職聯啱啱完，但洛杉磯銀河就為新球季做準備，繼搵咗荷蘭名宿古列治返嚟做教練之後，日前又喺紐約紅牛簽入美國攻擊球員馬菲斯，等碧咸啲靚靚傳送有人接應。馬菲斯踢過國家隊又喺德甲打過，級數唔使懷疑，但年紀唔細，到咗禮拜日就滿31歲了，如果佢哋真係想挑戰總冠軍，我求大俠認為應該實際啲，唔應該仲咁明星化。