最近想換床同床褥，去百貨公司試瞓床褥，仲做咗「到處瞓的女人」。朋友叫我上網睇二手傢俬，環保之餘，仲隨時搵到新嘢！
有個網上廣告話賣新床、床褥，賣家住半山豪宅。結果睇過張床ok，床褥連包裝都未拆，我試過呢款，賣七、八千蚊㗎！賣家話傢俬係大業主送，唔啱口味。我畀咗3,000蚊搞掂。
呢類全英文網站係畀僑居本港嘅外國人睇，幫佢哋適應生活，部份user就係只識英文嘅香港人；二手傢俬討論區唔少賣家都住中環、半山，傢俬唔少係貴嘢。有個外國人喺廣告入面話啱啱嚟，買齊傢俬未送貨，先搵到份有宿舍嘅工，5,500蚊張床就轉賣3,000蚊。
唔係全部傢俬係新，最好揀新淨、靚料或名牌，價錢唔好mark得太高嘅，最少三、四折啦，如果太貴寧願買差少少但新嘅傢俬啦！小心檢查，一手交錢一手交貨，唔好俾人呃。 http://www.geoexpat.com/classifieds/showcat.php/cat/6或
http://hongkong.asiaxpat.com/classifieds/view.asp?cat=9
逢周一至周四刊出