梁詠琪昨日以仁濟榮譽大使身份，探訪一老人院，喜愛跟老人家相處的她表示，自小已參與探訪老人的活動，直認老人家其實跟小朋友一樣，相處時要賦予時間及耐性。
梁詠琪（GiGi）昨日以仁濟榮譽大使身份，到九龍城一間老人院探訪，其間與一班公公婆婆玩遊戲和派禮物，令現場笑聲不絕，她說：「其實老人家有時仲得意過小朋友，只要𠱁吓佢哋，畀多啲時間同耐性，一定可以做好朋友」。
中學已探訪
GiGi又提到自小已經常參與老人家的探訪活動，家有外婆的她說：「雖然唔係同婆婆同住，不過一有時間我就會陪吓佢飲酒囉。其實讀中學嗰陣參加紅十字會已經成日搞探訪活動，不過細個可能比較感情用事，後來知道其中一個識得嘅公公過咗身，都唔開心咗幾個月。」
表演貼身舞
GiGi又提到下月舉行的慈善演唱會請來吳建豪擔任嘉賓，兩人更會一起表演貼身舞，她說：「我梗係唔會放過佢嗰6嚿腹肌啦，仲一定會要求佢勁歌熱舞先畀佢走。」
此外，GiGi昨日又在美孚為roadshow《紅人館》節目擔任嘉賓主持，邀請好友陳曉東及何韻詩接受訪問。對於報道指有華納高層過檔東亞，並拉攏GiGi和薛凱琪一起轉會，GiGi表示一定不會過檔。
採訪、攝影：EricLam