袁彌明前晚在旺角擔任一化妝品品牌的模特兒，她表示曾跟化妝大師Zing學習化妝數堂，所以現也可以化足全妝，她說：「不過自己唔貪靚，出街好求其，阿Zing都教咗我幾招，叫我條眉唔使太濃，反而胭脂可以紅啲。」
「我當自己自由身」
近日替本報撰寫專欄的袁彌明透露，已有出版社接洽她，準備明年4、5月出書，而書的內容圍繞男女關係、娛樂圈事件以及社會文化，再加朋友故事，她續說：「𠵱家寫嘢開心過以前做節目同拍戲，跌跌碰碰𠵱家終於選到自己鍾意嘅工作。」問她是否轉型做才女作家，她說：「未知，見步行步，𠵱家寫嘢冇乜錢，不過我都唔係為錢，𠵱家生計都維到皮，一個月都出到四、五個function，自己支出唔係好多錢，總之好過以前做節目讀稿員，我鍾意創作多啲。」
此外，問她跟無綫的關係，她表示已發信要求解約，但無綫拒絕，她說：「冇得唔畀，我睇過合約，係我請佢哋做經理人，所以我唔理，我當自己自由身。」
採訪、攝影：魯萍