去北京旅行，未去過全聚德食佢隻duck，點算食過正宗北京填鴨。全聚德嘅北京填鴨唔止中國人鍾意食，連老外都食到嘴舔舔。噚日係全聚德喺深圳交易所中小板上市嘅大日子，一開市已經升到36.81蚊人仔，比招股價高出2.2倍，開市15分鐘後更加漲停牌，復牌後股價稍為回軟，但好快企穩又再發力急升，全日收報42.3蚊人仔，比招股價升咗2.7倍。全聚德股價表現咁好，最開心梗係董事長姜俊贀。
全聚德股價咁升法，網友E仔搞笑話，「連全聚德都可以喺大陸度大升，咁深井陳記同裕記燒鵝，可以集資上市啦，我哋香港嘅深井燒鵝，絕對比全聚德嘅填鴨好食得多。」kalokchan9亦支持，「咁香港仔魚蛋，滿記甜品都唔爭在上埋市。」