日本女星新垣結衣，近日憑新片《戀空》大收旺場。前日，佢一日走勻福岡、札幌同東京，去戲院感謝觀眾支持。新垣最近開咗個blog，每日吸引過千fans留言，唔夠一個月已經輕易打入人氣網誌排行榜三甲，連佢自己都嚇咗一跳。
新垣早前因為工作太密而過勞入院，又盛傳佢患上抑鬱症，搞到班fans都好擔心。不過，新垣喺blog同fans分享佢扮鬼扮馬嘅相片，證明自己已經回復精神，總算令人放下心頭大石。下個月就殺入武道館開個唱嘅佢，近日正忙於綵排，佢仲話同樂隊都合作得非常愉快㖭。
網址： http://ameblo.jp/yui-aragaki/