曾經被公開春宮帶嘅出位名媛ParisHilton，近日有又一段出浴片段俾人放上YouTube，3個星期以嚟有12,000名網友睇過，雖然𠵱家條片已經俾YouTube鏟走咗，但英國《太陽報》網頁仍然可以睇到。
𠱁兩𠱁乜都肯
喺片段入面，Paris浸緊泡泡浴，同揸機嗰位男士有講有笑，但由於光豬樣俾人影緊，Paris表情始終有啲不情願。嗰位揸機人口甜舌滑，不停講爛gag𠱁Paris，佢話︰「如果呢條片見街，就係Paris性愛影帶第三集啦!」又問Paris享唔享受泡泡浴。Paris俾人𠱁兩句後心情靚番，懶cute咁喺浴缸玩潛水，用花灑冲口又冲身，係鏡頭前露晒點。
據英國《太陽報》所講，呢條分半鐘嘅片段係由網頁Parisexposed.com發放，上年Paris因為欠交倉租，一批私人物品被人拍賣，當中一啲大膽片段同艷照，就俾呢個網頁買咗，畀人付費欣賞。雖然條片唔知幾時拍，但外國傳媒估計揸機人應該都係Paris春宮帶男主角RickSalomon，即係彭美拉安德遜（PamelaAnderson）𠵱家嘅老公。
「冲凉水毒死魚」
條片見街後好多唔鍾意Paris嘅網友乘機踩多腳，例如celebrityhater話︰「Paris拍春宮帶成名，其實佢不知幾好心，因為佢除咗同人上床外，根本冇其他才華。」bombpop︰「我寧願睇街邊啲乞兒，都唔想睇呢個儍婆剝衫。」montanamike大彈Paris冇身材︰「Paris冇前冇後，潛水個樣好睇過出浴。佢啲冲凉水倒入海，肯定會毒死啲魚。」
網址： http://www.thesun.co.uk/sol/homepage/showbiz/bizarre/article477215.ece