韓國偶像組合東方神起，近日喺日本發展得唔錯，但佢哋並冇忘記一班韓國fans。神起喺今日會推出全新影像寫真集，五子喺今年9月專程到巴黎取景，寫真集裏面有佢哋喺塞納河、巴黎聖母大教堂拍攝嘅靚相之外，仲有以往未公開嘅雜誌相片、訪問同埋寫真集拍攝花絮等。另外，神起會喺下月為寫真集舉行圖片展㖭。