【本報訊】近日港股大上大落，恒生指數一日動輒波幅逾千點，自高位32000點已下跌近4500點，有「股神」之稱的恒基地產主席李兆基（四叔）昨日語重心長向股民表示，「呢幾日要小心呀，可能會有啲跌幅都唔定……唔好太貴買，趁低吸納至緊要」。不過，他未有調整港股目標，仍看好明年走勢，維持預測恒指農曆年後升至三萬三。 記者：李培瑛 龍婉嫻
四叔昨日到山頂區票站為區議會選舉投票時，評論近日港股的波動。
中央或再推宏調措施
他表示，內地打擊地下錢莊影響「已經（喺港股）反映咗，（大市）已經跌咗啲，呢幾日好大波幅」，反映內地阻止資金非法來港買股票，加上中央未來可能推出更多宏調措施，對港股會產生一定影響。
他擔心內地將繼續有其他負面消息，「呢幾日好嚴重呀，暫時睇調控嗰啲可能會出台，呢幾日要小心呀，可能會有啲跌幅都唔定」，但他認為影響「係暫時性，過多少少時間會定啲㗎喇」，他更呼籲小股民：「暫時小心，總之小心，唔好太貴買，買嘢唔好太貴，趁低吸納至緊要」。
對於賭王何鴻燊對後市樂觀，預測明年恒指可見40,000點，他立即表示：「無理由，無理由（40000點）咁貴」，他本人就曾預測年底恒指可見30000點，甚至35000點，惟昨日他沒有進一步預測年底恒指走勢，只稱：「過咗（農曆）年後，二、三月左右睇33000點」。
李兆基言論遭揶揄
令年測市奇準，被股民封為「證券界股神」的瑞銀投資研究董事總經理陸東，昨日出席一研究會時罕有地揶揄四叔。陸東笑稱，資金流向只對股市有短暫影響，長遠仍要看公司盈利，「唔係三、四、五、六叔話個市，值幾多就幾多，咁係冇用嘅，我比較鍾意計數」，「指數係計出嚟嘅，唔係有斷估冇痛苦」。
他維持11月13日發表的報告所訂，07年恒指合理價23000，按08年公司平均盈利增幅16%計算，恒指明年合理價為32000，若中國經濟增長繼續強勁，香港樓價持續攀升，港息隨美息回落，以及資金持續湧港，恒指在此等最好環境之下，有機會升至42,000。
對於中國限制深圳銀行提款量，以及打擊地下錢莊活動，陸東表示，破獲杜氏地下錢莊已是數月前的事，而且許多地下錢是做生意，事件對投資者造成心理影響，但對港股實質影響不大，但短期市況波幅仍大。
他又稱，美國次按對港股影響輕微，對香港公司盈利影響只集中在滙豐，現價計「滙控可能係好平嘅股票，但亦可能係一個好平嘅陷阱」，加上股民借錢炒股不多，香港不會有金融危機，恒指早前回落3000多點，只是因為升勢過急，盈利增長跟不上。
他又指出，由於明年本港新落成單位不足1.4萬個，發展商手上單位僅5000餘個，屬歷史最低，故09年底前仍看好地產市道，預計未來1至2年中下價樓將回升，建議投資者買樓。
兩大股神近月對恒指走勢預測
日期：8月24日
恒基地產主席李兆基：年底或見25,000
瑞銀投資研究董事總經理陸東：/
日期：9月19日
恒基地產主席李兆基：年底見28,000，農曆年可升至30,000
瑞銀投資研究董事總經理陸東：/
日期：9月24日
恒基地產主席李兆基：/
瑞銀投資研究董事總經理陸東：明年最低限度見28,000，最樂觀見35,000
日期：10月26日
恒基地產主席李兆基：預測聖誕後兩至三個月升至33,000
瑞銀投資研究董事總經理陸東：/
日期：10月31日
恒基地產主席李兆基：/
瑞銀投資研究董事總經理陸東：維持明年28,000目標，料短期回吐20%至25%，約3,000至4,000點
日期：11月18日
恒基地產主席李兆基：預測明年二至三月見33,000
瑞銀投資研究董事總經理陸東：預測明年合理值為32,000，最樂觀升至42,000