我求大俠有時幾鍾意用陰謀論諗嘢，好似周三克羅地亞作客英格蘭就99％一齊出線。點解？因為克羅地亞教練比歷嗰10歲囝囝係車仔球迷，對英格蘭好有親切感，斷估比歷都唔想寶貝仔喊啩！呢位外表嚴厲嘅廿四孝老竇講起個仔笑到見牙唔見眼，話佢專門同自己作對，當年打愛華頓佢就捧利物浦，兩父子感情真好！