係人都知卡卡係今年世界足球先生選舉大熱，早幾日國際米蘭班主莫拉堤就明寸卡卡，話伊巴謙莫域先至有資格攞呢個獎。卡卡前日回應話假如由佢選，就揀基斯坦奴朗拿度，之後到美斯，對「伊巴」就隻字不提，真係大家鬥唔畀面。卡卡平時好少逞口舌之戰，但單嘢關乎米蘭雙雄嘅積怨，無辦法唔「駁火」。