年年都搞到好大陣仗嘅唱歌仔賀壽騷，今年收視低又勁俾人投訴，睇過嘅人都話節目好鬼悶。其實呢個騷最好睇係總綵排嗰陣，皆因嗰段時間唔使播出街，「臭口矮仔」可以隨心所欲寸盡班女歌星，好笑到暈。
綵排冇厘正經
臭口矮仔佢聽完「大笑姑婆」唱歌，第一時間踩佢唱嘢氣若游絲，事實上大笑姑婆冇畀心機唱，真係唱得好難聽，所以冇得反擊。到「醜小鴨」帶住成班女歌星出場瞓地跳舞，大家冇化妝都戴住墨鏡，真面目唔可以見人，矮仔一見成班女仔戴住墨鏡排住隊出場，即刻話：「呢班盲人按摩，灣仔嚟㗎？」又叫人返去重操故業，全場人都忍唔住掩嘴偷笑。
Textby關仁
