容祖兒噚日喺銅鑼灣舉行活動時，喺禁區落車，之後就喺街頭派發海報，吸引咗好多人圍觀，可能現場太多人，佢不時將雙手放喺胸前。有人笑佢出席活動似出巡，佢就笑住口話覺得似區議會選舉嚟拉票。佢又話新唱片銷量唔錯，令佢好開心，亦抵銷之前發生咗唔開心嘅事情。對於喺禁區落車，工作人員就話大會一早申請咗。