香港數一數二至Top的化妝師，心目中有幾位，眼前呢位必定係其中之一。阿Zing入行近20年，經典的Sammi「Nike眉」、王菲「眼淚妝」，記憶猶新。趁機向大師偷師，請教今季秋冬妝容貼士，阿Zing話：「化妝應該越化越濃，越濃就越煞。」好玄，齋講唔明？索性搵阿Zing首席徒弟仔之一阿Ling出手，演繹阿Zing師傅口中的秋冬濃妝。
記者：胡卓琳
攝影：陳陶鈞
Model：CaraG.
MakeUp：Ling@TheMakeUpSchool
Hair：JimmyChan@HairCulture
嘴仔要線條
Zing：「唇部線條的勾畫十分之重要，唔一定要有心形嘴，不過細緻同雕琢的時間絕對唔可以慳，當然呢樣就係最能考驗化妝功力的時候。」
紅唇妝
妝容Focus於唇部，鮮紅的唇膏顏色都經已夠晒搶眼，眼部化妝只要輕輕帶出輪廓已足夠，胭脂可省卻，以免搶走重點的唇部化妝。
囗先用銀色眼影掃上眼蓋位置作打底，再以灰色加深藍放於眼睛大約五分四的尾位，以突出眼部的線條。
囗將眼影顏色Blend開至眼頭、鼻骨位，以營造自然的鼻影效果，再加上深黑的眼線。
囗以銀灰色作下眼線及內眼線的顏色。
囗唇部是全個妝容的重點，Cara的嘴唇較薄，首先以鮮紅唇線筆畫出理想唇形，再以唇掃掃上鮮紅色唇膏。
囗要唇部的線條更加突出，建議搽好唇膏後，再以遮瑕筆修補，以突出唇部輪廓。
眼睛要夠煞
Zing：「今個秋冬化妝先決係改變女士們既有的心態，妝容唔怕濃、顏色唔怕大膽，先了解個人面部最靚的部位，例如雙眼最靚，則以化妝技巧Show出自己最靚的一面，營造最濃妝艷抹的至煞妝容。」
濃眼妝
靈魂之窗的妝容，以超深色的眼影配合紅潤的胭脂，以漸變色演繹出層次感，唇部顏色越Nude越好，MattColor就最適合。
囗先於眼蓋位置掃上黑色CreamEyeshadow，覆蓋大部份眼蓋位置，尤其是眼尾地方，越黑越好，再將顏色向眼眉位置推開，Blend出層次感。
囗胭脂方面，可掃於眼睛對下的顴骨位，目的係營造出顏色向下漸變的效果。
囗要做出更Nude更Matt的唇部顏色，可嘗試於唇部搽上潤唇膏後，再搽上粉底。
大膽落筆、小心收拾！
創新大膽的妝容不難於阿Zing的作品中找到，從來不按章出牌的大師級化妝師阿Zing，歷年名作多的是，因為阿Zing的化妝宗旨就係勇於嘗試，「化妝要不斷試，寧願採取大膽落筆、小心收拾的做法。」記住啦各位!
神奇彩妝Zing展
早前阿Zing同SK-II搞咗個小型展覽，一次過展出18幅歷年經典作，最新兩張搵咗新進ModelCaraG.影，當日到場支持的CaraG.都忍唔住大讚阿Zing專業：「Zingisamazing！」收到，其中一張銀色Metallic眼都夠型啦，加上另一張Cara合埋眼都一樣咁靚。多年作品當中有不少名人，包括Sammi及嘉玲，亦有不少是普通Model，在阿Zing眼中，任何人都可以好靚，化妝係要突出一個人最靚的一面。
Zing推介妝前護理
化妝前預備亦很重要，尤其眼部，阿Zing建議化妝前先為眼睛做好護理，否則濃妝下皺紋容易出現，大殺風景。
SK-II（31010551）
尖沙嘴海運大廈連卡佛專櫃