歐陽震華憑演出的《賭場風雲》競逐國際艾美獎最佳男主角，成為首個獲該獎提名的香港藝人，昨日他偕妻赴美出席於明天舉行的頒獎禮，他希望能拿獎回來，賀老闆邵逸夫的百歲生辰。
第35屆國際艾美獎（InternationalEmmyAwards）將於香港時間明天在美國紐約舉行，香港唯一入圍爭視帝的歐陽震華（Bobby），將與主演內地電視電影《我自己的德意志》的郭家銘、憑《TheStreet》逐獎的58歲英國男星占伯班特（JimBroadbent）、荷蘭劇集《TheChosenOne》男星PierreBokma及巴西劇集《Snakes&Lizards》男主角LazaroRamos，一起爭奪國際視帝殊榮。
見識國際場面
在電視圈已經25年的Bobby，今次能夠衝出香港，身邊不少朋友都期望他為港爭光，昨日他偕妻與經理人一起啓程赴紐約，他上機前說：「講真做咗呢行咁耐，根本都未見過呢啲咁大型國際性場面，聽就聽好多，好似奧斯卡同康城影展梗係知係勁啦，但艾美獎，真係發夢都發唔到自己可以出席，如果一個唔好彩仲畀我攞埋個獎，咁就一定係爆冷啦。」
Bobby自己有分析過幾位對手，據他所知，英國演員占伯班特是一名出色演員，要打敗對方並不容易，他說：「呢位英國演員以前都攞過獎，佢先係得獎大熱，仲有華人演員同我爭視帝，如果喺咁嘅情況我都可以得獎，咁就真係可以為公司爭光。今年係六叔百歲生日，如果可以攞呢個獎嚟賀佢生日，咁就開心囉。」
郭家銘獲獎章
雖然前晚落選了無綫的視帝，但Bobby並沒有失望，他說：「陳豪係實至名歸，而我最開心係阮兆祥攞獎，所以噚晚我都有約埋祥仔慶祝。其實做咗電視圈咁耐，我都幾感慨，因為外界永遠覺得電影同唱歌都高級過電視，但我覺得電視係永恒，每個人屋企都差唔多有部電視，你話電視係咪好普遍？」
此外，另一艾美獎視帝提名人郭家銘日前已抵紐約，出席了艾美獎的受提名者的頒獎儀式，大會主席BrucePaisner並頒發金質獎章和榮譽證書給郭氏。
採訪：張俊銘
攝影：陳順禎
