小妹噚日同荷里活廣場靚女公關Vicky傾開偈，佢話呢排做到踢晒腳，呢個禮拜23至25日個場要搞個旅遊博覽展，跟住29日到下月9日就搞全港首個萬呎嘅扭蛋迷宮城。
扭蛋，啱晒我個小魔怪姨甥仔噃，使唔使入場費先？Vicky話係免費入場，現場仲有超過1,500部扭蛋機，達20萬隻、500款嘅扭蛋任你扭，包括Keroro、SD高達、多啦A夢等，同埋首度曝光嘅彩色透明Keroro軍曹特別版扭蛋㖭。最特別係從日本引入、全港首次展出嘅最新扭蛋電視遊戲機，玩家只要扭到指定扭蛋就可以開動遊戲機打怪獸。
Vicky話，會將四部坊間冇得賣嘅Bandai特別版透明迷你扭蛋機，送畀小妹嘅消費blog粉絲，只要將姓名同聯絡電話，send去[email protected]，註明「蘋果消費blog讀者索取扭蛋機」；另又會送10份「100分鐘IDD免費通話時間」（通話地點包括中國、美國、加拿大、澳洲及英國），都係send去同一郵址，但要註明「索取免費通話時間」，全部都係先到先得。仲有，每個讀者只可選一樣禮物，唔好貪心呀！
逢周一至周四刊出