浦和紅鑽喺上周中捧走亞冠盃後，球員喺周日出戰聯賽就只能打和清水心跳0:0。不過，紅鑽迷唔使怕，佢哋想攞雙料冠軍仍然形勢大好，因為同日次席嘅大阪飛腳作客FC東京打和，就算第3位嘅鹿島鹿角贏咗柏雷素爾升上次席，紅鑽喺仲有兩場聯賽下仍有4分優勢，只要喺下場榜首大戰擊敗鹿角，仲可以提早封王㖭。