【本報訊】立法會港島區補選候選人、保安局前局長葉劉淑儀，99年曾支持以人大釋法方式，令港人在內地子女喪失居港權。葉太參選後除接見居港權家長為自己「洗底」外，昨日更將當年的責任，全數推卸給另一候選人陳方安生，並強調自已素來「唔講大話」。陳太回應時稱，政府當年是因應情況而作出有關決定。
葉太昨日出席一個競選活動時，有與會者引述朋友批評，指葉太99年處理居港權問題時「講大話」，將原本只有數千名港人內地子女來港，說成若人大不釋法，就有167萬內地人湧入香港。
強調「唔講大話」
葉太聞言後，即指當年人大釋法，成功遏止大量內地人湧入香港外，又將當年的責任，全數推卸給當時任政務司司長的陳太：「嗰167萬人口唔係我計出嚟嘅！其實當年專責處理居港權嗰位，係政務司司長！」
葉太昨日出席競選活動時，又將當年力挺人大釋法時引用的數據，跟自己劃清界線，指「統計處當年唔係向我負責，個數係統計處奉政府命令去計出嚟，我係負責執行決定㗎咋！」葉太說：「我素來都好重視原則，同埋唔講大話嘅！」