日本組合SMAP成員中居正廣日前宣佈，將第5度擔任今年第58屆《紅白歌唱大賽》司儀，不過今年佢竟然調轉槍頭去幫女歌手所屬嘅紅組做司儀，令當地網友議論紛紛。
佐里菜：真係50幾年一大突破，紅白兩組司儀都由男人擔任，勁！
女性被攻擊：中居都冇女人嘅嬌媚，大會始終唔能夠缺少尊尼事務所嘅人，尊尼帝國來臨。
無名：邊個做都好啦，反正每年嘅司儀都勁食螺絲，最後要由經驗豐富嘅新聞主持人收拾殘局。
MI：相信中居做司儀，都係同今年SMAP辭演有關。
A：全部都係男人，真係冇癮……
其實由男人任紅白兩組司儀，51年前都試過。雖然係有一定噱頭，但今時今日大家講男女平等，所以呢個做法阿Deep認為唔多好。
網址： http://ameblo.jp/uraurageinou/entry-10055131926.html