韓星權相佑、李瑤媛同金成洙噚日喺京畿道舉行咗個新劇《壞愛情》嘅影迷見面會，有過千名影迷到場，其中日本fans就佔咗7成。權相佑日前出庭作證時淚灑公堂，但噚日就全程保持笑容，分享拍攝喜悅。佢話最難忘係同女演員車藝蓮嘅接吻戲，入行多年來都未試過咁激，足足拍咗近10個鐘。當日都喺片場嘅金成洙大讚權相佑吻技一流，如果100分滿分嘅話，佢會畀足120分喎。