大家好！今季由周一至五我們推出一個新專欄叫TrashTalk，由包括筆者在內，幾位作者輪流嬉笑怒罵NBA；大家睇呢個專欄時亦唔好太認真，講一大堆「垃圾話」，都係希望大家睇波時更投入啫。
提起TrashTalk，不得不提「垃圾話大師」披頓；在NBA打足17季之後，「手套」終於言退。老一輩球迷應該記得把口同防守都咁犀利嘅佢，當年在超音速與甘保鏖戰公牛6場，面對佐敦一樣寸到爆。初入NBA時，披頓已經大言不慚，睇吓佢講乜：「好似我同魔術手莊遜呢啲天才，10年先會出現一次。」
英超好睇，兩大領隊費格遜同雲格唇槍舌劍都係原因；至於NBA，亦有湖人積遜不遑多讓。上周湖人不敵馬刺，佢就揶揄對手用斷背戰術（BrokebackMountain）贏波，因為馬刺全場不斷切入再分波（penetrationandkickouts）；點解叫斷背？查吓penetration解釋，就會一清二楚。
文：仙道彬