當今球壇真係好殘酷，做教練教得好係應該，有乜意外就要負全責執包袱走人。曾帶領厄瓜多爾國家隊打入06世界盃16強嘅哥倫比亞教練蘇亞雷斯，喺上周六世界盃外圍賽1:5負巴拉圭後宣佈辭職。厄瓜多爾喺世界盃外圍賽3戰全負，上場0:5慘負巴西情有可原，今場再大敗一場就神仙難救。希望佢哋換教練後有改善啦！